AIFF Elite Youth League khel turin Lushai Corner tling

AIFF Elite Youth League 2026-27 preliminary round (group J1) chu nimin khan khelh zawh a ni a, team pathum inelnaah Lushai Corner Football Academy an ti ṭha ber a, Mizo club hi zonal round khel turin an tling.

Nimin tlai khan Manipur club pahnih an inkhel a, Pehlum Lamhil Lawm-in Muvanlai Athletics chu 3-0 in an hneh. Pehlum Lamhil Lawm hi chak chiang viau mah se match hniha vawi hnih chak thei Lushai Corner chu pakhatna an ni.

Lushai Corner hian match hmasa berah Pehlum Lamhil Lawm chu 2-1 in an hneh a, pakhatna dinhmun nemnghet turin Muvanlai Athletics 1-0 in an hneh leh bawk.

AIFF hnuai inelnaah hian VL Rinpuia, Leitan chu match commissioner a ni a, Lalrawngbawla leh R. Lalmalsawma (Asawma) te hnuah AIFF hnuai inelnaa MC leh thei hmasa ber a ni.