Sixers hnehtu Detroit Pistons

LeBron James-a khelhna Philadelphia 76ers chu season thara a vawi khatna atan an tlawm a, an hneh loh hi season hmasa Eastern Conference champion Detroit Pistons an ni.

Xfinity Mobile Arena, Philadelphia-a inkhelah Pistons-in bul an ṭan ṭha zawk a, kawng tinrengah Sixers-in an ngam lo. Pistons tan Cade Cunningham chuan point 26 neiin a score hnem ber a, rebound leh assist pariat a nei bawk.

American point guard Cunningham hi Duncan Robinson (21), Daniss Jenkins (18) leh John Collins (16) ten an thlawp ṭha bawk a, hnehna an chan theih nan an thawh hlawk hle.

Sixers tan Tyrese Maxey-a'n point 29 a nei a, LeBron (18) leh Jaylen Brown (16) te khel chhe lo mah se player dang zingah point 10 score tling an awm lo a, an vanduai ṭum tawngin a vawi khatna atan a tlawm zawkah an ṭang.

Joel Embiid chu a ke phah hliam vangin a inlan thei lo a, a tel loin an defence a phui tawk lo. Embiid bakah hian Jabari Walker, VJ Edgecombe, Dominick Barlow, Tacko Fall leh Ariel Hukporti te an inhliam a, Pistons lakah pawh player pariat chiah an inlan thei a ni.