Mumbai an la chak thei lo

Pathianni zan ISL inkhelah Mumbai City chuan Bengaluru an lenchilh a, team pahnih hi goal khung loin an inṭhen - 0-0 in an inhnehtawk a, Mumbai club-in tun season ISL-ah chak an la nei miah lo!

Mumbai hian an match hmasa berah Churchill Brothers chu 2-1 in an ngam lo a, a hnuah Punjab chu 1-1 a inhnehtawkpuiin, Kerala Blasters an draw leh ta bawk.

Hetihrual hian Blasters pawh an ropui bik viau lo, an match hmasa berah Inter Kashi chu 2-0 in hneh mah se, NorthEast United lakah 4-1 in an tlawm zui a, tunah Mumbai chu mahni mualah ngei an draw leh ta.

Pathianni zan inkhelah hian Blasters tan Freddy Lallawmawma chuan inkhel bul ṭanin, Mumbai tan Hmingthanmawia Ralte (Valpuia) leh Zothanpuia ten inkhel bul an ṭan a, Lalnuntluanga Bawitlung chu bench aṭangin a lut bawk.

Blasters leh Mumbai ten goal khung an harsat laiin, Pathianni zana ISL inkhel dangah goal nga a lut thung. Punjab FC chuan ISL club thar Churchill Brothers chu 3-2 in an hneh a, Churchill-in ISL game harsa an tem chho zel.

Punjab hian minute 13-naah Messi Bouli-a penalty hmangin goal hmahruai an khung a, Goan club tan Sebastián Gutiérrez chuan si phurh a sut. Mahse, Punjab tan Alfred Planas chuan khung ve lehin, 2-1 a ni.

Punjab-in khualmualah 2-1 a hmahruai chungin chawlhlawk an hmang mai dawn niin an ngai tawh a, mahse, Colombian striker Gutiérrez chuan hei hi ngai ngam loin, Churchill tan a khung leh a, 2-2 ni chungin chawlhlawk an hmang.

Second half-ah team pahnihin goal khung an harsat a, draw result kan hmu dawn niin kan ngai hman tawh. Mahse, Punjab tan Sanathoi Singh chuan hun pek belh minute nganaah goal a khung leh a, Churchill tan chhanletna hun a awm tawh loh avangin an tlawm.

Zaninah ISL inkhel a awm dawn rih lo a, nizan khan Mohun Bagan leh Chennaiyin inkhelin, he thu buatsaih a nih lai hian result kan hre hman lo.