Champion thei zingah Neroca

Neroca chuan an mual Khuman Lampak Main Stadium-ah Shillong Lajong 3-2 in an hneh a, I League hmahruaitu Chennai City nen point 21 ve ve an hmu chiah. Nizan khan Chennai hian Gokulam Kerala an mikhual a, result kan hre hman lo.

Nimin inkhelah hian Neroca tan Katsumi Yusa chuan minute 8-na lekah penalty aṭangin a khung a, Subhash Singh-a'n minute 21-naah a khung belh leh bawk. Second half-ah Lajong tan Sheen Sohktung chuan minute 54-naah siphurh sut ṭhen mah se minute khat hnuah Aibanbha Dohling chuan an lamah a tihluh avangin an beiseina a thamral zui.

Lajong-in Phrangki Buam hmangin minute 89-naah an khung belh leh a, result erawh a danglam phah lo. Aizawl FC coach hlui Manuel Retamero hoten hnehna an chan avangin champion an sawi ri thung. Spanish manager Retamero chuan, "Champion kan duh a nih chuan kan elpui hneh a ngai a, Chennai City hi kan intawn leh hunah kan hneh a ṭul ang," tiin a sawi.