Hmeichhe record nih rualtu Putellas

Spain midfielder Alexia Putellas chuan a vawi thum nan Ballon d'Or a dawng a, kum 32 mi hian ram tana a khelhpui Aitana Bonmati record nih rualin, hmeichhe footballer zinga Ballon d'Or vawi thum dawng thei pahnihna a ni.

Putellas hian season hmasa khan Barcelona tan inelna hrang hrangah match 43 khela goal 21 khungin, assist vawi 13 a nei a, Primera División, Copa de la Reina, Supercopa de España leh Champions League-ah te a champion pui vek!

Kum 2023-a Spain tana World Cup nomawi pawh lo chawi tawh Putellas chuan, "Mipa leh hmeichhe naupang, khawvel hmun hrang hranga awmte hnena ka chah duh che u chu, hei hi a ni.

"Football hi nuam in ti a, in khel duh a nih chuan khel rawh u. Khawi ami nge i nih a pawimawh lo a, 'I ti thei lo ang' tia hrilhtu che u an awm a nih pawhin ngaithla suh u. Nangmahni kha inringtawk hle rawh u," a ti!

Kum 2021 leh 2022-a Ballon d'Or lo dawng tawh Putellas hian July 2026 khan England-a Women's Super League club London City Lionesses a zawm a, London club a pan hnuah match sarih khel tawhin, goal thum a khung bakah assist vawi thum a nei leh der tawh.