Kopa Trophy dawngtu Lamine Yamal

Barcelona forward Lamine Yamal-a'n season hman zawh takah Barcelona tan La Liga leh Supercopa de Espana nomawi a chawi a, Spain chu World Cup-ah a champion pui bawk.

Kum 19 mi forward hian Ballon d'Or hawn ta lo mah se, kum 21 hnuai lam player ṭha ber hnena pek ṭhin Kopa Trophy a hawn thung - Ballon d'Or bikah chuan pathumna a ni.

Yamal hi kum 2024 khan Ballon d'Or-ah hian pariatna niin, nikum khan pahnihna a ni a, tunah pathumna a ni bawk. Kum 20 tlin hmaa Ballon d'Or top 10-ah season thum a zawna lang thei hmasa ber a ni nghal.

Spanish forward hian season hman zawh takah khan Barcelona tan inelna hrang hrangah match 45 khela goal 24 khungin, assist vawi 18 a nei.