Mohun Bagan-in Chennaiyin hneh

Thawhlehni zan ISL inkhelah Mohun Bagan an chak a, an mikhual Chennaiyin chu 1-0 in an hneh - Kolkata club tan hian Manvir Singh chuan minute 85-naah inkhela goal awmchhun a khung a, match thum an khelh tawhah vawi hnih an chakna chiah a ni.

Bagan tan hian Lallianzuala Chhangte chuan inkhel bul ṭanin, Chennaiyin tan PC Laldinpuia leh Ayush Chhetri ten bul an ṭan a, bench aṭangin C. Lalhriatpuia a lut bawk - Bagan midfielder rinrawl Apuia chu damlohna avangin a inlan thei lo.

Nizanah ISL match a awm lo a, zaninah khelh chhunzawm tur a ni. Zan dar 7:30-ah FC Goa chuan Sporting Club Delhi an mikhual ang. Goan club hian Jerry Lalrinzuala, Isak Vanlalruatfela leh KC Malsawmsanga an kawl a, SC Delhi-ah hian Lalrinliana Hnamte leh Augustine Lalrochana te an awm thung.