PSG-in hmahruai leh ta

Luis Enrique enkawl Paris St-Germain chuan Thawhṭanni zan khan Lyon chu 2-0 in an hneh a, Lyon hi lehpelin tun season-a a vawi khatna atan Ligue 1 hmahruaitu an ni.

Parc des Princes-a inkhelah goal a lut har a, minute 72-naah Senny Mayulu-a'n an hmahruaina goal a khung chauh. Minute 84-naah Mika Godts-a'n PSG tana a goal hmasa ber a khung a, an chak nemnghehna goal a ni zui.

PSG hian tun season bul an ṭan ṭha tawk lo a, Spanish coach Enrique dinhmun a nghing hman hial. Mahse French champion hi an insiamṭha leh tawh a, league leh Champions League champion lai an nih chhan an tilang leh tawh.