Hluna tan kan hlan - Dinthar manager

Dinthar FC hian MPL hmasa berah champion mah se final an la khel ngai lo. MPL1-ah knockout stage a awm lo a, MPL2-ah final awm ṭanin Maimawms erawh pathumna an ni. Tun ṭum hi Dinthar FC-in final an luh hmasa ber a ni a, manager Lalmalsawma chuan MPL hmasa ber nomawi chawipuitu head coach T. Vanlalhluna tana an hlan thu a sawi.

Dinthar manager Lalmalsawma chuan, "Dinthar FC-in MPL history-a final kan luh hmasak ber a ni a, kan tan chuan a hlu hle. Kan hlawhtlinna hi T. Vanlalhluna tan kan hlan," tiin Vanglaini a hrilh a, final-a Chanmari FC hmachhawn a châk thu a sawi bawk.

MPL rivalry-ah Chanmari leh Dinthar hi a ropui ber ṭhin a, tualchhung football-ah hmun pawimawh a chang pha. Inkhel pawimawh bik hmangah hian Zo Clasico hming vuah a ni a, Dinthar dik tak inti chin chuan final hi a hmun ngeia en an duh ang.