Kan tum chin kan thleng lo- Police manager

Mizoram Police manager Lalmalsawma Hnamte chuan an tum chin thleng pha lo mah se an player-te khelh danah an lawm thu a sawi.

Police manager Sawmtea chuan, "Champion ngei tumin inelna kan hmachhawn a, chumi tur chuan kan thawkrim. Coaching staff leh player-te ka fak a, kan hotute min thlawpnaah kan lawm a, kan sponsor Trustwell te chungah kan lawm takzet bawk," tiin a sawi.

An hmabak chungchang sawi zuiin Police manager chuan, "All India Police Meet kan hmachhawn lehnghal dawn a, tunkar tawp hian inpuahchahna kan kalpui ang. Inelna kan hmachhawn tur atan hian MPL hian nasa takin min pui a, season tharah ṭha zawkin kan rawn kir ang," tiin Vanglaini a hrilh.