Veteran Football-ah a ṭha pali chiah an dam ta

G90's buatsaih 5th GIG Motors Veteran Football Tournament 2026 quarterfinal chu nimin khan 1st Bn MAP Ground-ah khelh a ni a; Kolasib Veteran, Ward No. I, Ward No. XII leh Ward XIV ten semifinal an lut.

Champion team hian nuai khat leh sial an dawng dawn.

Kolasib tan C Vanlalfawna'n goal li khungin Ward No. XIX chu 4-3 in an hneh a, tun ṭum inelnaah Fawna a vul hle. Ward No. XII tan 1st Bn MAP forward hlui Lalnunmawia'n goal hnih khungin Ward No. IX nen 2-2 in an inhnehtawk a, penalty shootout-ah 4-1 in an vannei.

Ward No. XIV leh Ward No. III te hun pangngaiah 1-1 in an inhnehtawk a, penalty shootout-ah Ward XIV hi 4-2 in an chak. Quarterfinal match hnuhnung berah Ward No. I tan Zoremsanga'n hattrick a siam a, Ward No. XI 3-2 in an hneh.