Ball 38-ah Abhishek-a'n run 113 siam

India-in Thawhlehni zan khan Wellington Regional Stadium-ah New Zealand an hmachhawn a, wicket rukin hnehna an chang. Black Caps hian bat hmasain over 20-ah run 198 siamin wicket thum an hloh a, chak thei dinhmunah ding mah se India-in Abhishek Sharma an nei tlat.

Men in Blue bat hun a thleng a, Abhishek Sharma (113) leh Vaibhav Sooryavanshi (45) ten New Zealand bowler-te an ti rethei hle. Abhishek hian ball 38 lekah run 113 a siam a, India-in over 13.2-ah run 199 siamin hnehna an chang.

India hian 3-0 in hma an hruai a, match hnih khelh tur a la awm. October 30, Zirtawpni hian Eden Park, Auckland-ah match nga an khelh tura match lina an khel dawn.