German Cup: Dortmund an tlang hram

Thawhlehni zan German Cup khelhah Borussia Dortmund leh Werder Bremen te inhmachhawnin, Dortmund-in 3-2 in hnehna an chang thei hram a, harsa takin second round an paltlang.

Dortmund tan Serhou Guirassy leh Carney Chukwuemeka ten minute 20 chhungin goal khat ve ve an khung a, awlsam takin Dortmund an tlang dawnin a lang hman.

Mahse Werder an beidawng lo a, second half-ah insiamṭhain Niclas Fullkrug a inlar. German forward hian minute 65-naah penalty aṭangin an siphurh a sut ṭhen a, minute thum hnu lawkah an sut zo der.

Mahse a tawpa vannei zawk chu Dortmund an ni a, Marcel Sabitzer-a'n mawi takin freekick aṭangin a khung a, Werder tan chhanletna hun a awm tawh loh avangin Dortmund an tlang.