Final en châkawm chu

Chanmari FC hi AFC Pro Licence nei Steven Dias a enkawl a ni a, season liam taa MPL nomawi chawipuitu Rochhingpuia'n a pui bawk. Dinthar FC coach Laldampuia'n MPL final vawi hnih a hmachhawnna tur a ni a, a puitu tur K. Malsawmkima'n tawnhriat a neih ṭhat avangin coaching staff inbeihna pawh a lian nghal hle.

CFC lamin MPL-a Dinthar FC champion puitu Zothanmawia an kawl a, Maimawms-in rem vangin J. Lalchhuanliana chhawr thei lo mah se Inter Village Football-a Champhai Kanan champion puitu Zosangliana an la kawl a, ani hi penalty shootout-ah a rintlak.

Chanmari forward Lalthanzuala (TZ-a) goal hmaah a hriam chho a, Dinthar tlarhnung tan hna a tam dawn. Chutihrualin Maimawms striker pahnih PC Rosangzuala leh PC Lalchhanchhuaha te hi Chanmari tlarhnung tan an hnawksak viau ang.

Midfield battle a hmuhnawm dawn a, Chanmariin Lalliansanga an la fuh a, Dinthar tan a hunah tak CYMA Football 2025 best player Lalnunzira avrawn che ṭha. Zirtea, Tetea Sailo leh Lalbiakzuala te hnanfin inkhel thunun an tum ang. Final a nih rawh avangin vawi khat chetsual a pawi dawn a, entu an tam dawn avangin pressure a sang dawn. Tun hun hi a ruh no leh phanchang tawh chin thliarna tur chu a ni.