Pate champion thar Johny

MBOCWWB Rahbi Chhertu Mizo Inchai Title Fight 2026 pate huangah Johny Lallawmkima chuan Nilaini zan khan, B Lalawmpuia lakah hnehna changin Lalchhanhima kawnhren kalsan tak a rochun

Saitual tlangval pahnih an inbeih avangin mipui ngaihven a hlawh a, a tir aṭangin Johny chu a nawrtu zawkah a ṭang a, amah ai kg kuaa rit zawk lakah Awptea a che hleithei lo a, round lina thlengin a inveng thei hram.

Mahse Awptea a inveng reng thei lo a, round nganaah a bawkkhup zawngin Johny-a'n vawi 10 chhiar thleng a bawhbet. Johny hian ropund rukna leh round 10-naah vawi khat ve ve nawr chhuakin point hnih a hmuh belh.

Round 10 an khelh chhungin Johny-a'n tharum a ngah zawk tih a lantir a, kum 2022-a lo champion tawh Awptea'n a title lak kir leh a tumna a thamral zui a, vawi khat title fight a hmachhawnnaah Johny-a a champion nghal.