Final day a hmuhnawm dawn

Australia leh India te chuan vawiin hian fourth Test ni hnuhnung ber Brisbane-ah an khel dawn a, Men in Blue tan Border-Gavaskar Trophy kawl chhunzawm turin ni ngana hman zawh theih a ṭul dawn a ni. 

Aussies-in second innings-ah 294 run an siam a, Steve Smith-a'n run 55 a siam. India bowler Mohammed Siraj-a'n wicket nga lain 73 run a pe a, Shardul Thakur-a'n wicket li lain 61 run a pe bawk.

Mualneitu Australia hian first innings-ah 369 run an siam a, India-in run 336-in an chhanglet. Aussies hian second innings-a run 294 an vaw chhuak a, Men in Blue tan chak turin 328 siam a ngai.

India tan Rohit Sharma leh Shubman Gill ten bul an ṭan a, run 4 an siam hman tihin ni lina a tawp. Ni ngana leh tawpna berah Men in Blue tan chak turin run 324 siam a ngai dawn a, a harsa khawp ang.

Ajinkya Rahane captain-na hnuaia khel India team hian over 98 khelh tur la awmah thih zawh loh an tum ang. Australia hian kum 1988 khan Brisbane-ah West Indies an hneh lo a, hemi hnu hian match 32 khel leh tawhin tlawm an la nei lo.

Chutihrualin Australia captain hlui Ricky Ponting chuan, "Australia tan chuan inhnehtawk hi chak loh ang tho a ni a, ni tawpna berah hian kan vawm hlum vek hman a ngai a ni," tiin a sawi a, chumi awmzia chu India tan draw hi result ṭha a ni.