Maddison hliam a na lo

Chelsea laka inhliam Tottenham Hotspur midfielder James Maddison dinhmun a ngaihtuahawm lo a, hliam vanga rei tak chawl tawh a nih avangin club ṭantuten an hlauthawng hman hle.

Mahse, tun hnai season hnih chhunga hliam vanga league match kua chiah khel Maddison-a hliam hi a ngaihtuahawm lo a, hetihrual hian zanin dar 11:00-a Crystal Palace an hmachhawn hunah a inlan thei ang em, tih erawh thil chiang a la awm lo.

Tottenham hian beisei angin season bul ṭan lo mah se, tun hnaiah result an nei ṭha a, an league match hnuhnung pathumah an tlawm tawh lo - Manchester United chu Old Trafford-ah 1-1 in an draw a, Coventry City chu 3-1 in an hneh zui.

Frank Lampard-a enkawl Coventry an hneh hi tun season-a an chak hmasak ber a ni a, a hnuah Chelsea chu Stamford Bridge-ah 2-0 in an hneh bawk - an boruak ṭhat vanglai tak a ni a, Palace lakah pawh hnehna chan an tum ang.