Nuai 1 leh sial dawng tur a hriat dawn Kolasib Veteran Vs Ward No XII

G90's buatsaih 5th GIG Motors Veteran Football Tournament final chu zanin hian a hriat dawn. RG Stadium-ah zanin dar 8:00 hian Kolasib Veteran leh Ward No XII an inkhel ang a, a chak zawkin nuai khat leh sial an dawng ang.

Kolasib tan C. Vanlalfawna a che ṭha ṭhin a, nimina Ward I an hneh ṭumah pawh hattrick a siam. Aizawl khaw pawn team ṭha dang Lengpui lakah pawh Fawna hian hattrick a siam tawh a, final-ah pawh danglamna thlentu a ni thei ang.

Ward No XII hi team angin an ṭha a; inkhelh thiam veng Dinthar bakah Tuikual North leh Tuikual South te an awm. Final lut turin Ward No. XII hian Ward No XIV chu Lalnunmawia hattrick hmangin 3-1 in an hneh. MPL ṭantirhah pawh Mizoram Police tana la khel Nunmawia hi a fitness a ṭha a, Veteran Football-ah a langsar hle.

Veteran Football kharna pualin Exhibition match a awm dawn a, tlai dar 3:00-ah Minister pahnih B.Lalchhanzova leh Lalnghinglova Hmar te hming chawia team siam niin hranghlui player-te tlai lamah an inkhel dawn. Final zan hian inelna buatsaihtu G90's chuan Mizoram Football hmel thlak danglamtu Lalnghinglova Hmar (Tetea Hmar) hnenah chawimawina an hlan ang.