IFL en theihna DD Sports leh Waves

India rama football inelna sang ber dawttu Indian Football League chu nizan khan khelh ṭan a ni a, inelnaah hian team 11 telin round hmasa berah Mizo tel awmchhun Chanmari FC an awl. IFL hi DD Sports aṭangin a en theih a, Waves app aṭangin a en theih bawk.

Vawiin tlai dar 4:00 hian ISL aṭanga relegate Mohammedan leh season liam taa che ṭha Shillong Lajong te an inkhel dawn. Mohammedan-ah hian Mizo panga an awm a; Lalthankima (Thathana), Lalngaihsaka (Ngaihtea), Lalremsanga, Joseph Lalmuanawma leh Jeremy Laldinpuia te an khel an ni. Lajong-ah hian Ephraim Lalremtluanga a awm bawk.

Zan dar 6:30-ah Gokulam Kerala leh club thar Samaleswari te inkhel ang a. Pathianni zanah inkhel pahnih bawk a awm dawn bawk.