I League hmahruaitu Bagan

Mohun Bagan chuan nimin chhun khan Real Kashmir khelmual TRC Ground luhchhuahin 2-0 in hnehna an chang.

Kolkata club tan hian Joseba Beita leh Nongdamba Naorem ten goal an khung a, Spanish manager Jose Vicuna hote hi pakhatnaah an awm. Nimin inkhelah hian first half-ah goal a lut lo a, minute 72-naah Spanish midfielder Joseba Beita chuan goal hmahruai a khung. Real Kashmir an insiamrem hmain Nongdamba Naorem chuan minute hnih hnuah khung belh lehin Mohun Bagan-in point thum hlu tak an hlawh chhuak.

Bagan lamah hian Lalramchullova chu bench-ah a awm a, East Bengal aṭanga Mariners zawmtu Chullova hian Jose Vicuna  hnuaiah khelhna hmun chan a harsat. Mizo player dang Lalchhawnkima leh Lalramzauva te squad-ah an awm lo.

Inrinni tlai I League inkhelah table mawng-phaha awm Trau-in Punjab FC an chelh a, Manipur club hian point hnih chiah an la hmu.

Results & Fixtures

January 4, Inrinni

Trau    0 - 0    Punjab FC

Nimin Inkhel Result

Real Kashmir    0 -  2    Mohun Bagan

MB : Joseba Beita 72'; Nongdamba Naorem 74'

January 8, Nilaini

Trau    2:00 PM     Neroca

Aizawl FC    7:00 PM    Churchill Brothers

#    Team    P    W    D    L    GF    GA    GD    Pts

1    Mohun Bagan    5    3    1    1    10    5    5    10

2    Churchill Brothers    4    3    0    1    9    4    5    9

3    Punjab FC    6    2    3    1    8    8    0    9

4    East Bengal    5    2    2    1    8    5    3    8

5    Gokulam Kerala FC    4    2    1    1    5    4    1    7

6    Aizawl FC    6    1    4    1    7    7    0    7

7    Chennai City    5    1    2    2    6    8    -2    5

8    Real Kashmir    4    1    2    1    5    6    -1    5

9    Neroca    4    1    1    2    5    8    -3    4

10    Indian Arrows    4    1    0    3    3    5    -2    3

11    Trau    5    0    2    3    3    9    -6    2