Sial leh nuai 1 dawngtu Ward No. XII

G90's buatsaih 5th GIG Veteran Football Tournament 2026-ah Ward No. XII an champion a, final-ah Aizawl khaw pawn team ṭha Kolasib Veteran chu 3-2 in an hneh. Ward XII hian nuai khat leh nomawi bakah sial an kai hawng.

Ward XII chhungah hian Dinthar, Tuikual South leh Tuikual North te an awm. Final inhnehtawk takah Kolasib tan tun inelnaa goal 16 khungtu Vanlalfawna'n goal hnih ngawt khung mah se Ward XII an ding chang ta zawk.

Mizoram Police forward hlui Lalnunmawia'n si phurh a sut hnuah Albert Lalhmangaiha hmangin Ward XII-in si phurh an sut nawn a, minute 80-naah Lalnunpuia'n chakna goal a khung. Inkhel boruak a sang a, Kolasib player Lalrinhlua insum zo loin hnawhchhuah a ni. Player 10-a khel Kolasib team an tho chhuak thei ta lo.