Aizawl FC Academy tel lohna First Division

ADFA First Division League 2026-27 khelh zawh takah Aizawl FC Academy pathumnaah an awm a, semifinal khel pha chinah awm mah se Nagaland United hnenah Aizawl FC hralh a nih tawh avangin an khel zui thei tawh lo.

Aizawl FC-in Nagaland United hnenah IFL khelh phalna an hralh rualin CRS neitu nihna an hralh tel a, hei vang hian AFC pawhin MPL semifinal an khel tawh lo. CRS khat hnuaiah Aizawl FC Academy pawh a tel avangin First Division-ah pawh an inlan thei tawh lo. MFA Under 17-ah pawh Aizawl FC naupangte an inlan thei dawn lo a, Nagaland United laka AFC hralh avanga a tuartu an tam chho hle.

Vawiin chawhma dar 10:30 hian First Division semifinal hi khelh a ni dawn a, League winner Ramhlun North leh Aizawl FC Academy khelh loh vanneihpuitu Bawngkawn FC te an inkhel dawn. Chawhnu dar 1:30-ah Tuithiang FC leh Chawnpui FC te an inkhel bawk ang.