Barcelona an tho chhuak leh nghal

Spanish champion Barcelona chu an hmelma Real Madrid an hneh loh hnuah an tho chhuak leh nghal a, Inrinni zan khan 6-1 in Alaves an hneh a, Hansi Flick-a naute an chak chiang hle.

Barca tan Raphinha leh Lamine Yamal ten goal hnih ve ve an khung a, Fermin Lopez leh Anthony Gordon ten goal khat ve ve an khung bawk. Alaves tan Mariano Diaz-a goal khung chuan an mualpho tur pawh a hliah pha lo.

Spotify Camp Nou-a inkhelah Raphinha-a'n minute riatna lekah goal hmahruai a khung a, an hawi kir tawh lo. First half-ah Brazilian forward hian khung belhin Lopez leh Yamal ten goal khat an khung ve bawk a, chak tur a chiang der tawh.

Second half-ah Spanish forward Yamal-a'n a khung belh bakah Gordon-a'n an goal rukna a khung a, minute 84-naah Real Madrid forward hlui Mariano Diaz-a'n goal khat khunng ve mah se awmzia a nei thui tawh lo - harsatna tawk loin Barca an chak.

Catalan club hi November 3, Thawhlehni zan hi Champions League-ah Aston Villa nen an inhmachhawn leh nghal dawn a, Flick-a leh a hote'n chak chhunzawm ngei an duh dawn a, Alaves an sawp avanga thlamuang taka awm hman an ni lo.