Ka player-te an dive tawh ang - Iraola

Liverpool manager Andoni Iraola chuan an penalty beisei pek an nih loh hnuah, a naute chu tlu der tawh tura a hrilh tur thu a sawi mauh mai! Spanish manager chuan, "Kan dive loh chuan penalty min pek an tum si lo a, kan dive mai a ngai a ni," a ti!

Liverpool leh Arsenal inkhelah Gunners defender Jurrien Timber-a'n Alexander Isak-a kawr a pawt a, penalty tur niin lang mah se, pek an ni lo. Iraola chuan, "A kawr kha a pawt chiang em em a, a kawr a pawh avangin chiang taka a ball tauh tur pawh a tauh phak loh phah a ni.

"Alex kha tlu se, 100% in penalty an ti ang. Hetiang a thlen leh dawn chuan player-te hi tlu tura hrilh an ngai a ni mai. A nih loh chuan penalty kan hmu ve thei nang," a ti a, a lawm lo hle.

Premier League-ah referee-in thutlukna an siam dik loin, referee pawl Pro Ref chuan an ennawn ve leh ṭhin a, tihsualah ngaihdam an dil ṭhin. Iraola chuan, "Ngaihdam dilin eng nge awmzia a neih? Engmah a danglam phah dawn hleinem," a ti!

Liverpool captain Virgil van Dijk chuan, "Camera 50 velin inkhel a la a, heti zat camera-in min tin chung hian engatinge sawisel tur a la awm fo? Thil thlen dan chiang takin kan hmu vek a, mahse, penalty min pe lo a, vanduaithlak takin kan tlawm ta a ni. Arsenal pawh an khel ṭha e," a ti a, a lawm bik lo.