Hlawhtlinna phenah inlungrualna awm - Hmingtea

G90's buatsaih 5th GIG Motors Veteran Football Tournament 2026-ah Ward XII-in champion rinkai Kolasib Veteran 3-2 in an hneh a, nuai khat leh nomawi bakah sial an kai haw.

Ward XII coach Lalhmingmawia (Hmingtea) chuan, "Kan team kan inlungrual a, kei aia kum upa zawk daihte ka enkawl chungin team chhungah inzahtawnna a awm bawk. Coroporator Nubawihi'n min thlawp ṭha a, kan manager Hmingthana'n kan mamawh apiang min pe zel a. Pathianin kan ṭawngṭaina a chhang a, kan dilna min chhansak. Pathian ropui ber rawh se," tiin Vanglaini a hrilh.

Ward XII chhungah hian Dinthar, Tuikual South leh Tuikual North te an awm a, G90's buatsaih Veteran Football-ah inelna ṭantirh lamah champion rinkai ni lo mah se an thawhrim rah sengin nomawi an chawi a ni.