Puipuia goal a tawk lo

Mizo midfielder Zothanpuia'n Mumbai City tan goal khung mah se, SC Delhi laka Mumbai chakpui nan a tawk zo lo a, injury time-ah goal hnih chhuahin, Mumbai club hi 3-2 in an tlawm daih!

Mumbai hian Muhammad Ajsal leh Puipuia hmangin 2-0 in hma an hruai a, mahse, Delhi club tan Carlos Fortes chuan si phurh sut ṭhenin, hun pek belhah Akshat Mehra leh Juan Pena ten an khung leh a, 3-2 in an chak daih!

Mualneitu Mumbai tan Puipuia bakah Hmingthanmawia Ralte leh Lalnuntluanga Bawitlung ten inkhel bul an ṭan a, Delhi tan Lalrinliana Hnamte chuan bul ṭanin, bench aṭangin Augustine Lalrochana a lut bawk.

Pathianni zan inkhel dangah FC Goa chuan 2-1 in Inter Kashi an hneh - Goa tan Franchu leh Chiki ten goal khat ve ve an khung a, Inter Kashi tana Sumeet Passi goal khungin awmzia a nei phak lo.

Goa goal hmasa zawk hi Isaka siamsak a ni a, KC Malsawmsanga chu bench aṭangin a lut bawk - Inter Kashi tan Laldinliana Renthlei chuan inkhel bul a ṭan thung.