Napoli-in Juventus an ngam lo

Pathianni zan Serie A inkhelah Juventus chuan 2-0 in an mikhual Napoli an hneh a, Turin club hian table-ah Napoli lehpelin pasarihnaah an inhlangkai nghal.

Allianz Stadium-a inkhelah goal a lut har a, Italian club lian pahihte inhlau lo tawnin chance inneih chhawk reng mah se goal hmaah an hriam tawk loh avangin goal a lut lawk lo.

Minute 70-naah goal hmasa ber a lut ve chauh a, Bosnia & Herzegovina rawlthar Kerim Alajbegovic chuan Juventus tan mawi takin an hmahruaina goal a khung a, Juve tana a goal hmasa ber a ni bawk.

Goal an chhuah hnuah Napoli an talbuai chhunzawm a, minute nga hnu lawkah Luca Marianucci chuan Juve left back Juan Cabal titluin yellow card pahnihna a chawi a, hnawhchhuah a ni.

Kim loa an khelh hnuah Napoli tan thawhchhuah ngaihna a awm tawh lo a, minute 87-naah Jeremie Boga chuan an chak nemnghehna goal khungin Juve

an chak.