Villa-in Carragher hekna hnuk kir

Aston Villa chuan an club chungchanga ṭawngkam mawi lo a hman avanga Jamie Carragher hrem tura hek an tumna chu Liverpool defender hlui hian ngaihdam a dil vangin an hnuk kir.

Sky Sports tana pundit hna thawk mek Carragher hian Villa coach, Unai Emery chu Manchester United enkawl zawm turin a rilru seng se a duh thu a sawi a, hei vang hian Villa fans tam takin Carragher sawiselin social media-ah kah a tawh nasa

Sawisel a tawhna hi chhangletin, Carragher chuan Villa fan-te chu mawi lo takin an ka chip hmak turin a ti. Villa chairman Nassef Sawiris chuan, "He club hian England leh Europe-a hmasawnna kawng a zawh mek hi tuma tihbuai kan remti lo," tiin X-ah (Twitter) a tarlang.

Kum 48 mi Carragher chuan X-ah ngaihdam dil ve nghalin, "Ngaihtuah chiang loa ka ṭawngkam hman avangin Aston Villa thuneitute leh fans chungah ngaihdam ka dil a ni. Ka thil sawi kha fiamthua sawi mai ka ni a, tu rilru mah tihnat ka tum lo," tiin a post.

Tun season-a khel chhe tak Man United-in Michael Carrick an ban a nih chuan a thlak turin Emery hming a ri. chutihrualin thuchiang a la awm lo thung. Villa hian nizan kha Champions League-ah Barcelona an lenchilh a, an result kan hre hman lo.