Dawt leng an sel - Fernandes

Manchester United captain Bruno Fernandes chuan manager Michael Carrick nena a inkar chungchangah dawt thu leng vel a tam thu a sawi. Champions League-a Como an hneh loh zawhah Bruno-a'n Carrick-a khelhtir dan a sawisel a, Premier League-ah bench-ah a dah - hemi hnu hian an inkar boruak ṭha lo a ri nasa hle.

Portuguese midfielder Fernandes chuan, "Media lamin dawt an phuahchawp nasa a, keini tan pawh a harsa. Manager-in bench-a min dah chhan chu ka khelh ṭhat loh vang a ni a, a dik thlap a ni," tiin an inkar ṭhat loh vang a nih loh thu a sawi.

Carrick-a hna chungchang zawhna chhangin United captain chuan, "Tu hna mah kan chhan a ngai lo. Chak kan mamawh a, player-te pawhin chak an mamawh. Tun hun thleng tur hian kan thawk rim em em a ni," tiin a sawi.

Manchester United hian November 8, Pathianni zan dar 10:00 hian Aston Villa an mikhual ang a, chumi zawh chuan international break a awm dawn. Carrick-a'n hna a la chelh chhunzawm zel a nih chuan November 22, Pathianni zan dar 10:00 hian Anfield-ah Liverpool an tlawh ang.