India leh Pakistan inkhel en duh maktaduai 8.4

ICC Men's Cricket World Cup chu nakkum October-November hian South Africa, Zimbabwe leh Namibia-ah khelh a ni dawn. India leh Pakistan te group khatah an awm a, Wanderers Stadium, Johannesburg-ah October 10, Pathianniah an inkhel dawn.

Kum khat dawn hun la awm mah se group match inkhel enna ticket dil hi maktaduai 8.4 an awm der tawh a, stadium-ah hian entu 34,000 chauh an leng. Johannesburg-ah hian final khelh a ni dawn a, nomawi inchuhna enna ticket dil hi maktaduai riat an awm tawh bawk.

Inelnaah hian team 12 an tel dawn a, group hnihah ṭhen an ni. Group A-ah India, Australia, Pakistan, Afghanistan leh Zimbabwe te an awm a, group B-ah New Zealand, South Africa, Sri Lanka, England leh Bangladesh te an awm. Qualifier aṭanga tling team pahnih te group pahnihah semdarh an ni leh bawk ang .