Samaleswari tan Cherhlun tlangval

Indian Football League-ah zanin dar 6:30 hian Samaleswari FC-in Birsa Munda Athletics Stadium, Rourkela-ah Dempo SC a mikhual dawn. Odisha club Samaleswari -ah Mizo pathum R. Lalthanmawia (Amawia), Fredy Chawngthansanga leh Lalhmangaihsanga (Papuia) te an awm. Inkhel hi DD Sports leh Waves app aṭangin a en theih ang.

IFL club thar Samaleswari hian match hmasa berah Gokulam Kerala 3-2 in an hneh lo a, bench aṭangin Cherhlun tlangval Fredy-a a lut. Zanin an mual Birsa Munda Athletics Stadium-a an khelh hmasak ber tur a ni a, NorthEast United tan pawha khel tawh midfielder Fredy-a'n khelhna hun a nei leh tura ngaih a ni.

Samaleswari-a Mizo player dang pahnih Amawia leh Papuia te hi hriat hlawh zawk an ni a, Lamzawl tlangval Amawia hi hliam vangin a la khel thei lo. Armed Veng South defender Papuia erawh a dam ṭha a, Samaleswari tana IFL match hmasa ber khel thei dinhmunah a ding. Dempo lamah Mizo player an awm lo.