Bayern-in Atletico Madrid an hneh

5th November, 2026

German champion Bayern Munich-in coach Vincent Kompany hoin khelmual la lut thei lo mah se, assistant coach René Maric kaihhruaina hnuaiah Atletico Madrid chu 2-0 in an hneh - Bayern tan Lennart Karl leh Konrad Laimer ten goal khat ve ve an khung a, Atletico-in a chhanletna tur an nei lo.

Bayern hian Atletico an hmachhawn hmaa an UCL match hnuhnung berah Arsenal chu 2-2 in an inhnehtawkpui a, an coach Kompany-a'n a hnua club training naah harsatna tawk zuiin, damlohna avangin enkawl a ni mek.

Kompany tel loin SC Freiburg (3-1) leh Magdeburg (6-1) te hneh mai mah se, kartawp Bundesliga inkhelah khan Borussia Dortmund chu 2-2 in an inhnehtawkpui a, fans ho zingah hlauhthawnna a awm ṭan.

Dortmund mikhual hnu lawka Atletico Madrid lenchilh hi Bayern tan a awlsam lo ang tih a chiang a, mahse, 2-0 in an chak ta tho - UCL match li an khelh tawhah German club hi an la tlawm miah lo.

Atletico khelmualah first half chhungin team pahnihin goal an khung lo. Second half minute 54-naah Karl a inlar a, kum 18 mi attacking midfielder hian Atletico tlarhnung inringthul chu nangchingin, Robin le Normand-a ball ken lai chu a chhuhsak a, Jan Oblak a pet khum.

Spanish club-in Manuel Neuer tan hna an siamsak meuh lo a, goal an khung hnuah pawh Bayern an hlauhawm zawk. Minute 74-naah Konrad Laimer a hun a inher chhuak a, Harry Kane-a siamsak chu chiang zetin goal-ah a chantir.

Bayern tan Dayot Upamecano chuan goal khung belh theihna remchang a nei bawk a, mahse, Oblak chuan ṭha zeta dansakin, bar a per zui. Hetihlai hian Ballon d'Or dawngtu Kane a nil chhunzawm zel a, Atletico lakah pawh hlauhawm a siam meuh lo.

English striker hian Atletico a hmachhawn hma hian UCL match 10 chhung a zawnin goal a khung tawh a, Atletico lakah a tawp ta - UCL match 11 a zawna goal khung thei awmchhun Cristiano Ronaldo record nih rualna chance a neih chu a bawhpelh.

Kane hian Ballon d'Or a dawn hnuah match hnih a khel tawh a, goal a la khung lo ve ve - English striker hian goal nen khawvela footballer ṭha ber award a dawn a la lawm thei lo.