Bagan-in Odisha mikhual dawn

Indian Super League pawh zan thum an chawlh hnuah zanin aṭangin khelh ṭan a ni leh dawn ta a, zaninah inkhel pahnih a awm dawn - tlai dar 5:00-ah Churchill Brothers leh NorthEast United an inkhel dawn a, zan dar 7:30-ah Mohun Bagan leh Odisha an inkhel thung ang.

Bagan-in an match hmasa berah NorthEast United ngam lo mah se, match thum chu a zawnin hnehna an chang leh tawh. Mahse, an khelh danah Bagan fan-te lawm a kim lo a, a bik takin Lallianzuala Chhangte an chhawr danah an lawm lo - coach Panagiotis Dilmperis bang tura duhtute thawm a ring ta hle.

Dilmperis hian Mizo forward hi position hrang hrangah a enchhin nasa a, Bagan fan-ten an beisei angin Mizo Flash an hmu thei lo. Zaninah an chak zo lo a nih chuan Dilmperis lakah pressure a sang sawt ang.

Odisha-ah hian K. Lalṭhathanga (Puitea) chu captain niin, Jeremy Zohminghlua, Vanlalzuidika Chhakchhuak leh K. Lalrinfela an awm bawk.

Tlai dar 5:00-a inkhel tur Churchill-ah Lalbiakhlua, Lalremruata Ralte leh Freddy Lalrinkima te chu Mizo awm an ni a, NorthEast-ah Lalrinzuala leh Mark Zothanpuia an awm thung.