Palace-in Mateta red card 'appeal' dawn

Crystal Palace chuan striker Jean-Philippe Mateta red card hmuh chu Football Association (FA) bulah sut turin an ngen dawn a, an ngenna anga tihhlawhtlin a nih chuan hrem a ni dawn lo.

Inrinni zanah Palace hian Tottenham Hotspur an lenchilh a, minute 13-na lekah Mateta hian Micky van de Ven a tlawh palh a, French forward hi yellow card pek phawt ni mah se VAR hmanga ennawn a nih hnuah hnawhchhuah niin Eagles hi 2-0 in an chak lo zui.

Kum 29 mi Mateta hi match thum hrem tur a ni a, mahse Eagles chuan a foul danah tum reng vanga ti a nih loh thu FA hnenah an thlen a, November 6, Zirtawpni hian thuchhuah an siam ang.

Eagles dilna hi a hlawhtling lo a nih chuan November 8, Pathianni zana Liverpool an tlawh hunah a inlan ve thei dawn lo a, an striker chhuanvawr tel loa Reds an hmachhawn a ngai dawn.

Zanin dar 11:15 hian Eagles hian Europa League-ah Hoffenheim an mikhual dawn a, anmahni ang bawka vawi khat chiah la chak an hmachhawn dawn avangin an muala tlawm an duh lo ang. Mateta hremna hian Europa League a huam tel loh avangin Pierre Sage-a'n a chhawr thei ang.