East Bengal an tlawm

AFC Champions League Two-ah East Bengal an chak thei lo - Kolkata club hian an match linaah Al Seeb chu 2-0 in an ngam lo a, point hnih chauh an hmuh chhunzawm. East Bengal tan last 16 lut tur chuan thil mak a thlen a ngai tawh ang.

Kolkata club tan hian Lalchungnunga, Edmund Lalrindika leh David Lalhlansanga ten inkhel bul an ṭan vek a, mahse, Edmund-a'n a chance neih a chhawr thei lo a, David-a'n ṭum dang a phâk lo bawk.

Team pahnih hi goal khung loin an inṭhen mai dawn emaw kan ti hman a, mahse, minute 85-naah Axel Méyé chuan Kolkata fan-te ngawihtirin, goal hmahruai a khung a, Zahir Al Aghbari chuan hun pek belhah a belhchhah zui.

Kolkata club tan tho leh turin a harsa tawh tih a chiang a, an tlawm - AFC Champions League Two-ah hian group tina a sang pahnih chu last 16 khel turin an tling a, East Bengal hian match hnih khelh tur an la neih avangin beiseina neih thiang mah se, thil mak erawh a thlen a ngai tawh ang.