Haas-in Ocon an thlauh thla

Formula 1 driver Esteban Ocon chu a team awm mekna Haas chuan season tawp thleng atan an thlauh thla a, a aiah Brazilian driver Rafael Camara chu a vawi khatna atan a tlan dawn.

Haas chuan thuchhuah siamin, "Ocon hian tun season-a intlansiak hmabakah Haas tan a tlan tawh dawn lo a, a aian Rafael Camara a tlan tawh dawn thung. Thutlukna hi awlsam taka siam a ni lo a, Ocon zah tak chunga siam a ni," an ti.

Kum 30 mi Ocon hi tun season-ah a che chhe takzet a, podium-ah vawi khatmah a la lawn loh bakah point sarih chauh a la hlawh chhuak a, driver's table-ah 16-naah a awm mek.

A teammate Oliver Bearman pawh a che ṭha chuang lo a, point 23 chiah la hmuin 12-naah a awm mek a, podium a la lawn miah lo bawk. British driver Bearman tan pawh Ocon chunga thil thleng ngaihtuahin ngaihṭha taka awm theih a ni dawn lo a, a ṭan lehzual a ngai ang.