AEK lakah Real Madrid vannei

Jose Mourinho enkawl Real Madrid chuan Nilaini zan Champions League-ah 3-2 in AEK Athens an hneh a, mahse Spanish club hian chak turin vanneihna an mamawh thung.

AEK tan Aboubakary Koita leh Stavros Pilios ten goal khat ve ve an khung a, Real tan Jude Bellingham leh Kylian Mbappe ten an sut ve ve hnuah, Federico Valverde-a'n injury time-ah chakna goal a khung.

OPAP Arena, Greece-a inkhelah mual neituin minute 12-na lekah goal an khung nghal a, Koita chuan hmun awl a insiam hnuah kawh takin a pet goal a, Real an inring hman lo.

Bellingham-a'n Minute 32-naah Marc Cucurella cross chu tawih zetin a kheng lut a, an si phurh a sut ve nghal. Goal an khung hnuah Real-in hma an hruai thei mai lo a, inkhel an thunun hleithei lo.

Minute 75-naah goal a lut leh chauh a, a khungtu erawh AEK tho an ni. Pilios-a'n hnai tak aṭangin a team hmahruaina goal a khung nawn a, Los Blancos player ten Albanian left back an veng ṭha tawk lo.

Greece champion hlim chhung erawh a rei lo a, minute thum hnu lawkagh Denzel Dumfries-a cross chu Mbappe-a'n goal ruakah khungin an si phurh a sut nawn a, Real an phur thar.

Hun pek belhah Valverde chuan box pawn aṭangin kawh zetin an chakna goal a khung a, AEK tan sutna hun a awm tawh loh avangin khualmualah Real an chak. Los Blancos hi table-ah pahnihnaah an awm a, champion lai Paris St-Germain nen chak vek awmchhun an ni.