F1 champion hlui Jones a thi

Formula 1 champion hlui Alan Jones chu nimin chhun khan cancer natna avangin a thi a, Williams driver hlui hi kum 85 mi niin a thihna hmun hi tarlan a ni lo thung.

Australian driver hian 1975 khan Spanish Grand Prix-ah a vawi khatna atan a inlan a, Montjuïc Circuit-ah hian Hesketh tan a tlan. Hemi hnu hian Hill, Surtees, Shadow, Williams, Arrows leh Haas te a zawm leh a, khawvel hriat a hlawhna erawh Williams-a awm lai a ni.

Williams-a a awm lai hian 1980 khan a world champion a ni a, hei hi a career pumpuia F1 a champion awmchhun a ni zui bawk. Jack Brabham hnuah Australian zinga F1 champion thei pahnihna a ni.

Jones-a nupui Amanda Butler-Davis chuan, "Kan hmangaih em em Alan-a thih thu kan puan a ngai hi hrehawm kan ti takzet a, a ṭhian ṭha, amah ngainatute leh a fans te chuan kan theihnghilh thei tawh ngai lo ang," a ti.