Goa khelmualah Bengaluru

Indian Super League-ah zanin dar 7:30 hian FC Goa chuan Bengaluru an mikhual dawn - Goan club hian beisei angin season bul an ṭan lo a, tun hnaiah club ṭantuten social media-ah club khelh dan an duhk hawp loh thu an sawi hial!

India defender hlui Gouramangi Singh enkawl Goa hian an match hmasa pahnihah an khingpui an draw ve ve a, fan-ten thawm an neih hnua an match hmasa berah, Inter Kashi chu 2-1 in an hneh - zaninah fan-ten chak chhunzawm an beisei dawn.

Match hmasa pahniha bul ṭan lo Isak Vanlalruatfela'n Inter Kashi lakah bul ṭanin, assist a nei nghal a, zaninah pawh Bawngkawn/Thingsulthliah tlangval hian bul ṭan leh a beisei ang.

Goa-ah hian Isaka bakah KC Malsawmsanga chu Goa-ah hian a awm bawk a, Bengaluru-ah keeper Lalthuammawia Ralte leh Lalremtluanga Fanai te an awm bawk. Bawngkawn tlangval Tluangtea'n hmun pawimawh a chang ṭhin a, zaninah pawh bul ṭan leh tura beisei a ni.