India team-ah Remsiami leh Tluangi

Women's Asian Champions Trophy 2026 chu Bhopal, Madhya Pradesh-ah neih a ni dawn a, India team-ah Lalremsiami Hmar leh Lalthantluangi te an tel dawn. Asian Games-ah India hmeichhe team hian gold an la a, chutihrualin hmasawn zel an tum avangin coach Sjoerd Marijne-a'n player eng emaw zat a thlak tura ngaih a ni.

He thu ziah lai hian Hockey India-in official-a squad hi an la puan loh avangin player inthlak zat chiah hi hriat a la ni lo. Inelna hi November 19-28, 2026 chhunga neih tur a ni a, India hian match hmasa berah Malaysia (Nov 19) an hmachhawn ang.

Malaysia zawh hian Sjoerd Marijne hote hian South Korea (Nov 21), Thailand (Nov 22), China (Nov 24) leh Japan (Nov 25) te an hmachhawn chhunzawm dawn. Inelnaah hian team ruk an tel a, vawi khat an inkhelh chhuah zawhah November 27, Zirtawpniah semifinal khelh a ni ang a, final hi November 28, Inrinnia khelh tur a ni ang.

Asian Games-a an champion avangin Remsiami leh Tluangi te ropui taka hmuah an ni a, Kanghmun South nula Tluangi hi Thenzawl Jt VC chuan Aizawl - Lunglei road kawng anah in hmun an pe dawn bawk.