Man City tan insiamṭhat a ṭul

Manchester City-in Champions League-ah RB Leipzig 3-2 in an hneh a, Enzo Maresca hoten hnehna chang mah se an tlarhnung a phui lo. City hian Premier League match hnuhnung pahnihah Aston Villa (1-2) leh Brighton (0-1) an hneh lo a, Arsenal nena an inkar tizim turin zanin dar 11:00-a Nottingham Forest an tlawh hunah chak ngei an pawimawh ang.

City goalkeeper Gianluigi Donnarumma tun hnaiah a che ṭha tawk lo a, tun hnaia Maresca hote chet ṭhat loh chhanah a ngaih theih. Chutihrualin striker chhuanvawr Erling Haaland erawhin goal a khung ve reng a, Enzo Fernandez pawh club thar tan a che ṭha chho hle.

Zanina mit la tut erawh Elliot Anderson a ni dawn a, English midfielder hian a club hlui Nottingham Forest a hmachhawn turin City Ground-ah a kir dawn. Forest hian Anderson-a awm loh an tuar a, league-ah vawi khat chauh la chakin table-ah 19-naah an awm mek.