Gunners-in Hull mikhual dawn

Premier League champion Arsenal chu zanin dar 8:30 hian league match khel turin an inlan dawn a, Hull City an mikhual dawn - Gunners hi league match li a zawnin an chak tawh a, zaninah Hull City an hneh chuan a zawnin match nga an chak dawn tihna a ni.

Gunners tana chanchin lawmawm chu defender pawimawh William Saliba a dam ta hi a ni a, Nilaini zana Champions League match an khelh ṭumin squad-ah a awm tawh - khelmualah erawh a la inlan rih lo thung.

Slavia Prague nena an inkhelah khan Arsenal centre back Ezri Konsa chu hliam tenau a neih avangin lakchhuah a ni a, hlauhthawn tur a awm lo.

Arsenal manager Mikel Arteta chuan, "A inkhel hnem a, tun hnaiah phei chuan a khel hnem hle. Kha vang khan harsatna a nei deuh a, hahdamna hun kan pe ta a ni," a ti a, zaninah pawh Konsa hi hahdamtir a nih a rinawm.

Chuti a nih chuan tun season-a la inlan lo Saliba tan rawn kirna chance a awm dawn tihna a ni a, a inlan a nih chuan tlarhnungah Brazilian defender Gabriel nen an inkawp thei ang.

Martin Zubimendi-a'n Slavia Prague hmachhawn mah se, zaninah chuan Bruno Guimaraes emaw Myles Lewis-Skelly emaw an luh zawk a rinawm a, Arteta-a'n Declan Rice hi hahdamna hun pek ai chuan bul bul ṭantir bawk a thlan a rinawm zawk - tun season-a league match kua an khelhah bul a la ṭan vek!

Viktor Gyökeres-a'n hmun chang tam lo mah se, a chance neih chhunah a khel ṭha ṭhin a, Slavia Prague lakah pawh goal khungin, Swede striker hian, "Nuam ka ti hle," tiin a sawi a, mahse, league-ah chuan Kai Havertz-a'n bul a ṭan a rinawm zawk.

Slavia Prague lakah Gunners chak mah se, an khel ṭha lo a, coach Mikel Arteta pawhin an khelh dana a lawm loh thu a sawi - zaninah chuan inkhel hmuhnawm zawk a nauten an chhawpchhuah a beisei dawn.

Arsenal hian Premier League table chung ber an luah mek a, an hnuai chiaha awm Manchester City aia an sanna erawh point thum chauh a ni - zaninah an chetsual chuan zanin dar 11:00-a Nottingham Forest lenchilh tur City an tiphur

sawt dawn.