Martinez a la chawl dawn

Hliam vanga chawl mek Inter Milan forward, Lautaro Martinez chu a lo la kir thei dawn lo niin khawthlang chanchinbuten an ziak a, Argentine forward hi international break zawhah chauh a inkhelh theih a rinawm.

Kum 29 mi Martinez hian thla hmasaa Club Brugge an hneh loh ṭumin a malpui vei lamah hliam a tuar a, a hliam hi endik a nih hnuah chawl chhunzawmin a la inkhel leh lo.

Inter hian Pathianni zan dar 10:30-ah Como an mikhual dawn a, Cristian Chivu-a'n Martinez tel loin Cesc Fabregas-a enkawl team a hmachhawn leh a ngai dawn.

Como hi table-ah palina ni lai an ni a, Champions League-a Manchester United hnehtu an nih bakah an match Nilaini zan khan Lens lakah goal kua zet an khung thei a, Inter tan fimkhur a ṭul ang.