Europa League-ah Bournemouth an sang zel

Ningani zan Europa League-ah Premier League club Bournemouth chuan 3-1 in Sparta Prague an hneh a, Cherries hian match liah hneh loh an la tawng lo.

Bournemouth tan Tyler Adams, Evanilson leh Rayan ten goal khat ṭheuh an khung a, Sparta tan Ebrima Singhateh goal khung chu scoreline chei mawitu chauh a ni.

Mual neitu Sparta tan Singhateh chuan minute 35-naah goal ṭha zet khungin a team hma a hruaipui a, mahse minute hnih hnu lawkah a ṭhianpa Tobias Guddal chuan yellow card pahnihna a chawi a, kim loa an khelh hnuah Czech Republic club a tho chhuak leh tawh lo.

Bench aṭanga luhtir American midfielder Adams-a'n minute 57-naah goal kilah mawi taka khungin an siphurh a sut a, Cherries an phur thar. Minute 81-naah Evanilson-a'n an hmahruaina goal a khung zui.

Minute kaw hnu lawkah Rayan chuan box pawn aṭangin mawi takin an goal thumna a khung a, an chak nemnghehna goal ni zuiin Cherries-in an chak kaltluang lai an chhunzawm an ni.