Champions League chawi ka châk - Kane

Bayern Munich striker Harry Kane chuan nimina chanchinbu miten an kawmnaah, Bayern-ah a hlim thu leh Champions League nomawi pakhat tal chawi ngei a duh thu a sawi.

Kum 33 mi Kane chuan, "Nimin khan contract thar ka ziak a, mahse thutlukna ka siamna chu a rei tawh. World Cup boruak vang leh thil ṭul dang kan buaipui avangin kan sawi chhuak lo mai a ni.

Thutlukna siam turin ka inngaihtuah rei lo a, he team tan hian Germany mai bakah Europe-a rorel ka duh a, UCL champion ka duh lo ka ti a nih chuan dawt ka sawi a ni ang," a ti.

Zanin dar 8:00 hian Bavarians hian Mainz an hmachhawn dawn a, Kane hian bul a ṭan leh ngei a rinawm. Chutihrualin an coach Vincent Kompany chu enkawl a la nih avangin a team a la ho thei dawn lo thung.