PSG-in Hakimi an chawlhtir

Paris St-Germain right back Achraf Hakimi chuan club thuneitute nen an inbiak rem hnuah a chawl dawn a, Morrocan defender hi international break hma thleng chawlh pek a nih avangin zanin dar 1:35-a Troyes an mikhual hunah a tel ve dawn lo.

Thla hmasa khan Hakimi-a teammate Ousmane Dembele leh Nuno Mendes te chu Luis Enrique-a'n hahdamtir a duh avangin chawlh a lo pe tawh a, Hakimi chawlh pawh hi Spanish coach duh dan bawk a ni.

Kum 28 mi Hakimi awm lo mah se PSG squad a chhah ṭha a, Dembele leh Mendes te awm loh lai pawha buai lo team hi Real Madrid defender hlui tel loin buaina an tawh a rinawm loh.

Luis Enrique naute hi Thawhlehni zan Champions League-ah Villarreal 6-0 a sawp zo hlim an ni a, Ligue 1-ah hmahruaitu an nih leh tawh bawk avangin an boruak ṭhat lai tak a ni a, Troyes tan tum an châkawm loh ang.