Kashmir khingpui tur Sreenidi

Indian Football League-ah Real Kashmir-in an match hmasa berah Mizo tamna Nagaland United an hneh lo a, zanin dar 6:30 hian Mizo tamna tho Sreenidi Deccan an hmachhawn dawn. Real Kashmir-ah hian Mizo tlangval R. Lalruatfela chu assistant coach a ni a, Mizo player pali Joseph Lalvenhima, Lalrokima, Lalawmpuia Sailo leh Lalrempuia te an awm bawk.

Real Kashmir hi an muala khel tur an ni a, hei vang hian team ṭha Sreenidi lakah point hmuh a pawimawh. Mizo pasarih awmna Sreenidi hi champion rinkai an ni phâk a, Hyderabad club hi Indian Super League khelh tum ngam an nih avangin chak tur zawka ngaih an ni.

Sreenidi-in Jerry Mawihmingthanga an lalut a, Samlukhai tlangval Lalromawia nen hmun pawimawh an chang pha. MPL best player ni tawh Lalthankhuma (TK-a) bakah Brandon VL Remdika, Lalbiakdika, Rochharzela leh Rosangzuala te pawhin theihna sang tak an nei a, mamawh huna chhawr ngam vek an ni.