Messi-a'n MLS record a siam

Inter Miami forward Lionel Messi chu MLS history-a season zawna Golden Boot dawng thei hmasa ber a ni. Ballon d'Or vawi riat dawng tawhtu Messi hian Inter Miami tan match 31 aṭangin goal 26 a khung a, FC Dallas striker Petar Musa (22) leh Nashville forward Sam Surridge (21) te aiin a khung tam zawk.

MLS Golden Boot hi vawi khat aia tam dawng thei chu tun hmain player panga an awm tawh a, chung zingah chuan Charlton Athletic leh Southampton striker hlui Bradley Wright-Phillips pawh a tel. Chutihrualin Messi hi Golden Boot a zawna dawng thei hmasa ber a ni.

Kum 39 mi Messi hian goal 26 a khung bakah hian assist vawi 17 a nei a, goal 43-ah a inrawlh a, MLS-a kum zawna goal-a inrawlh hnem ber a ni bawk. MLS-a player ṭha ber chawimawina hi Landon Donovan MLS MVP winner tih a ni a, Messi hian a dawng leh thei a nih chuan vawi thum dawng thei hmasa ber a ni ang.

Inter Miami hian kum 2024-a Supporters' Shield title an lak khan Messi hi MVP-ah thlan a ni a, kum 2025-a MLS Cup-a an champion khan MVP-ah thlan a ni leh bawk. Kum upat lamah Messi ropui viau mah se Miami erawh MLS Eastern Conference-ah pakhatna an ni thei lo a, pakhatna Nashville point 17-a pha loin pahnihnaah an awm.

Tun thla tawp lam hian MLS Cup playoff khelh ṭan a ni dawn a, Inter Miami hian first round-ah Columbus Crew an hmachhawn ang.