India squad-ah Mizo pali

New Zealand-a tour nei tur India coach coach Khalid Jamil chuan player 23 awmna squad a puang a, Mizo pali an tel - East Bengal forward pahnih Edmund Lalrindika leh David Lalhlansanga an tel a, SC Delhi midfielder Lalrinliana Hnamte (Terina) leh Bengaluru midfielder Lalremtluanga Fanai te an tel bawk.

Hetihlai hian September international break-a koh loh Lallianzuala Chhangte tan hmun a la awm lo a, Mumbai City captain hlui hian Mohun Bagan a pan hnuah beisei angin a la khel chhuak lo - Lalengemawi Ralte (Apuia) chu hliam vangin koh a ni lo bawk a, India player langsar zingah Gurpreet Singh Sandhu leh Sandesh Jhingan te tan hmun a awm bik lo.

Khalid-a'n team thar din a tum a, Terina leh Tluangtea pawh ram tan match khat ve ve chauh an la khel - David-a'n India jersey a la ha ngai lo a, Edmund hian vawi 13 chu India tan a khel tawh thung.

SC Delhi midfielder Terina chuan, "Senior team ema min koh hi chu ka la beisei ngam lo cheu a, mahse, min koh ve takah chuan ka phur khawp mai," tiin a duhthusam a thlen dik thu Vanglaini a hrilh.

Blue Tigers hian tun international break-ah New Zealand hi match hnih an khelhpui dawn a, November 12 zanah a vawi khat nan Auckland-ah intawngin, November 15 khian Christchurch-ah an inkhel leh bawk ang.