Leeds lakah Spurs an vanduai

Roberto de Zerbi enkawl Tottenham Hotspur chuan Inrinni zan khan, Leeds United chuan Noah Okafor-a goal hmangin 1-0 in an hneh a, Leeds defender Jayden Bogle hnawhchhuah a nih loh avangin Spurs an lawm lo hle.

Elland Road-a inkhelah first half tawp hma hretin Whites (Leeds sawina) defender chuan hlauhawm takin Spurs winger Mathys Tel a rap a, London club-in red card beisei mah se VAR hmanga ennawn a nih hnuah John Brooks-a'n yellow card pawh a phawrh lo.

Minute 79-naah Swiss forward Okafor-a'n chakna goal a khung a, Leeds keeper James Trafford-a chet ṭhat zan an tawn avangin Spurs-in goal an khung thei lo a, insiamṭhat hna an thawh mek laiin an tlawm.

Spurs coach De Zerbi chuan foul chungchang sawiin, "Thil thleng kha red card a ni ngei e tih turin ka hmu chiang lo. Mahse, second half-ah khatiang deuh chiah khan Pedro Porro foul-ah yellow card phawrh a ni leh si. Tel-a hliam na a, naktukah endikna neih a ni ang a, engtiang chiaha hliam na nge a nih a chiang ang," a ti.

Premier League assistant referee hlui Darren Cann erawhin red card ni ngei turah a ngai a, Dann chuan, "Bogle-a chet dan kha a khingpuite tan a hlauhawm takzet a, hnawhchhuah a ni lo kha a vannei hle," a ti.